التعليم المغربي لكم.. والمناصب المغربية لنا!!
بقلم الصحافي يوسق الساكت
المحامي عبد اللطيف وهبي!!!
هو برلماني لعدة سنوات.
وأمين عام لحزب الأصالة والمعاصرة.
ووزير حالي في العدل.
ورئيس جماعة ترابية
ومسؤول بطريقة أو بأخرى عن تشريع السياسات العمومية في التعليم العالي.
ورغم كل ذلك، معندو حتى مشكل يخرج ويكول بأن حط فلوس صحاح باش يرسل ولدو إلى كندا، ويقرا ويشد جوج إجازات ويرجع محامي كبير في المغرب !!!
واش شفتو شي عبث كثر من هذا!!!
وزير “يتفاااخر ويتفخشر” انه لاباس عليه ويستطيع تمويل الدراسات العليا لابنه في الخارج، بينما يتابع أبناء الشعب (للي ملاباش على والديهم) تعليمهم العالي في جامعات مغربية لا يثق فيها الوزير، رغم انه شارك (كحزب) في التخطيط لنوعية التعليم فيها!!
بغا يكول لينا زعما “ولادكم انتم ايها الحازقين قريوهم في تعليم فاسد بلا مستقبل، وولادنا حنا للي مرفحين في هاد بلاد نرسلوهم للخارج، ومن فوق ذلك نفقصوكم من الإعلام” !!
أكثر من ذلك، سي وهبي دوز ميساج خايب، هو أن المناصب المالية ومناصب الشغل المفتوحة في المغرب، غادي تمشي لدوك الوليدات للي قراو في الخارج بفلوس باباواتهم للي لاباس عليهم..والذين لا يثقون في تعليم نفس البلاد للي غادي يخدمو فيها !!
بمعنى: التعليم المغربي لكم
والمناصب المغربية لنا!!!
