فطور ضاحك.. بن كيران في مواجهة اخنوش اللهم هم اضرب الظالمين بالظالمين
صباح الخير من جديد ليوم فطورنا غادي يكون دسم خصوصا اننا غادي نتفاعلو مع السيد عبد الإله بن كيران اللي أكد أنه كان غادي يبقى صامت و الحمد لله انه تكلم لانه قال كلام مضمونه جيد و حقيقي و لكن الطريقة باش قالها امكن فيها اهانات لفئات أخرى من المجتمع اهمهم النكافات اللواتي يعشن ازمة كبيرة بسبب قرارات حكومة اخ السيد بن كيران الغير العزيز السي سعد الدين العثماني .
بن كيران لبارح سهرنا معاه فلايف طويل كيشرح فيه علاش اخنوش لا….. و مخاصوش اكون رئيس حكومة وزاد فضح الكثير من الكولسة اللي كانت ايام البلوكاج الحكومي و كيفاش اخنوش فرض على بن كيران ميدخلش حزب الاستقلال للحكومة و بزاف تاع حكايات الكولسة .
كلام بن كيران ممتع رغم انه غير حقوقي بحال بزاف تاع الكلام المغربي و لكن فيه الكثير من الحقيقة لكن السؤال واش بن كيران كان غادي اقول هادشي لو أن حملة المصباح مرت بسلام و لم تتبعها لعنة كلمة ارحل .
الحاصول تاجر دين يفضح تاجر محروقات قالك خوك في الحرفة عدوك و لكن ملي تبغيو تنوضوها معيار عطيو التيساع لهاد الشعب بنكافاته و مناضليه حتى هوما معمر 20 فبراير كانت شبح ترعب بيه المغاربة و معمر كانو النكافات كذابات السي بن كيران و آخر الكلام ما عندي غير نقول لك اللهم اضرب الظالمين بالظالمين واخرجنا من بينهم سالمين
تعليقات