فطور ضاحك مع انتخابات 2021.. مرشحو حزب الامبة كيسحابو المغاربة عندهم ذاكرة السمكة

صباح الخير عليكم ليوم غادي نفطرو مع واحد الحزب قاد الحكومة جوج مرات و كان كيقول انه كيقودها بكلام الله و رسول الله، يعني حزب اسلامي خرج من رحم حركة اسلامية و لكن العجب هو ان هاد الحزب وخا تسامحو المغاربة مع سوء التدبير تاعو المرة الاولى ،و قالو راه مخلاوهش اخدم غير مازاد فيه فالحماق و لوصولية .

لبارح اسيادي نعاودها لكم بحال الخبيرة بقيت كنتبع اخبار الحملة الانتخابية حتى كنشوف فيديو تاع تجار واحد السوق فهوارة كيطردوا رئيس المجلس السابق عن حزب المصباح السي عبد الغني الليمون لي بقصوحية الوجه لي عطاه الله ،نسى شنو دوز على التجار تاع داك السوق مشى اعاود التازام معام كيسحاب ليه واش المغاربة عندهم ذاكرة السمكة، كينساو بزربة.

المشكل انهم كلهم فداك الحزب دارو بحال الاستاذ الليمون ،واحد رونها فايت ملول و فالبرلمان مكانش كيتسمع ليه الصوت ،ملي فقد الامل انه اقدر غير اترشح فايت ملول مشى لاسا قال لك امكن تما الناس قريبة الحدود مكتوصلاهاش اخبار المغرب و بالتالي مكيوصلهاش الكذوب و التشلهيب لي دار هو و خوتو فالمجلس تاع ايت ملول و لي فراتو معاهم محكمة الاموال العامة .الحاصول الكلام عليهم كثير و لكن مغاديش اكون السكات احسن غدا نوجدو فطورنا و نكملو تقشاب مع حملة الامبة الكذابة .