حوار.. بروفايل و ثلاثة أسئلة

مغرب تايمز - حوار.. بروفايل و ثلاثة أسئلة

المنسقة الاقليمية لحزب الشمعة استاذة زهرة امدجار اتمناك بخير على بركة الله نفتتح البروفايل


شكون هي زهرة امدجار


زهرة امدجار فاعلة حقوقية و سياسية كنشتاغل على النضال ضد كل اشكال التمييز خصزوصا فئة الاقليات و الخدمة تاعي مقاولة
من كرة القدم للسياسة

شنو لي خلاك تفكري فخوض غمار السياسة فقلب الصحراء؟


قبل كرة القدم كنعتبر راسي طالبة جامعية بغيت نبقا ديما طالبة للعلم ؛ من بعد كنحسب راسي مواطنة مغربية مساهمة في البناء الجيد للاقتصاد حيت منخرطة فالقطاع المهيكل باش نعونو دولة وخا دولة ممعوناناش غادي نشرح كلشي كنخدم بالمقاول الذاتي التجارة ديالي و كنخلص ديما ضرائب … و منخرطة بالضمان الاجتماعي و مكنستفادش منو عندي رميد و مكتخدمش لي
معلينا عاد عندي شركة للطاقة الشمسية و الاستيراد و التصدير


من بعد نضال ديالي المستمر بشتى طرق فحياتي او فحياة ناس اخرين لقيت راسي مؤخرا صافي وصلت سطاج لي خصني نرجع فيه لمدينتي و نعتق ما يمكن انقاده بحال شي حريق كبير و نت بوحدك كتمشي كتجري و كطفي ماء بكاس بلاستيك مثقوب
و اسست فريق امل طرفاية لكرة القدم النسوية لي عرف إقصاء و تمهيش رغم ذلك شاركت بيه فعصبة الصحراء و لعبت البطولة الجهوية كاملة بدون دعم أي جهة معينة و حققنا انا و بناتي صغارات انتصار على رؤوس الفساد و الاستغلال لي كيتعرضو ليه بنات كورة و هذا عالم اخر


السياسة بصراحة كنت ديما محايدة و سبب لي خلاني ندخل هو إقصاء المرأة و محتكرين دوائر و الانتخابات كانو كيحلفو بلي دائرة لي انا فيها دابا ميمكنش تكون فيها امرأة ف أثبت لهم العكس


و لكن ممشيتش مع اي حزب مشيت لاقرب حزب لتوجهاتي و افكاري اقرب حزب ممكن نحط راسي و منحسش بلي غيقطعولي فليل الحزب الاشتراكي الموحد بعيدا عن باقي التفاصيل …..

انت معروف (ة) بالنضال تاعك ضد كل اشكال التمييز خصوصا مع الاقليات الجنسية واش كيبان هاد الاقليات مقصية سياسيا ؟


نعم منذ 2014 و انا اشتغل في المجال الحقوقي و الاجتماعي … كناضل من اجل أي فئة أو كائن حي كيتحكر كلشي ناس كيعرفوني
كناضل حتى من اجل الحيوانات لي كيقتلوهم بدون ذنب

الاقليات محكورين مقصيين و ماشي كيبقاو فيا كنشفق عليهم الحق ينتزع و لا يعطى و حقهم فالعيش الكريم خص دولة لي توفرو وتحميهمن كمواطني ات مختلفينات و يشاركو فجميع المجالات ماشي غير السياسة …
انا ضدد التمييز بشتى انواعو
كنكره الحݣرة




قلت لنا كتوجد للقاء تواصلي فمدينة طرفاية و انك هديتي وعد من الأمينة العامة نبيلة منيب بتمويل اللقاء واش مكتشوفش ان حضور الأمينة العامة الصحراء خطوة قوية لحملة رمز الشمعة؟


نعم انا في خضام التحضير الان للقاء تواصلي مهم ربما الاول من نوعه في الاقليم و الجهة … ارسلت دعوة حضور للسيدة نبيلة منيب الأمينة العامة لحزب الشمعة حضورها كما قلت لها و اعلم جيدا انه سوف يحدث ضجة كبيرة و فريدة من نوعها. ضجة ايجابية لان الشباب كثير هنا من من هم فاقدون الامل في الاحزاب السياسيه القديمة و نفس افلامها القديمه الدرامية
ناس أغلبية مكانوش عارفين حتى خريطة سياسية فالمغرب و من بعد موريت لبزاف صحابي فيدوات نبيلة منيب عجبتهم


حيت الأغلبية باش يحاربوني قالو لشباب بعدو من الزهرة امدجار جايبة ليكم حزب ملحد..استغلال دين فبلادنا مصيبة …
مهم بصح حضورها في اللقاء سيحدث الفارق… و الى موفاوش بوعدهم ميمكنش لي نبيع لناس لي تاقو فيا الوهم غادي انسحب ترشيحي و سوف اقاطع الانتخابات ليس تهديد و ليس استياء و ليس موقف عدم تقدير للحزب
لكن كنضن شباب و شابات تقاتلوا و طوعو و ترشحو فمدينة بحال طرفاية مدينة قنبلة راه نبغي نحس بلي حزب لي كنتمي ليه حتى هو يحسبني كنتمي ليه و يعترف بيا ماشي يقصيني


عوض نضيعو فلوس فطبيع منشورات و نوسخو شوارع نفضل ندير دورات تكوينية لقاءات و ورشات او قفة اسبوعية صدقة جارية لشي عائلات عمرهم كلاو فرماج ….


يعني انا ضدد الإستراتيجيات الكلاسيكية فكلشي حتى فالحملات الانتخابية