فطور ضاحك مع إنتخابات 2021 .. مابين “السطو” الفني و الباشا نوال ضاعت الحمامة انتخابيا

ماشي صباح الخير لانني غاضبة و بزاف كيفاش هاد السطو على التراث الفني المغربي من طرف حزب سياسي و فين فالحملة الانتخابية كنظن عرفتوني علامن داوية قال لك الالة حزب عريق و امين عام من اعيان البلد و وزير كاع و مقدرش اشوف شي شاعر من شعراء البلاط اكتبو ليه شي شعار خارجين المؤيدين تاعو كيغنيو على الحمام ويييه قال لك عنده الزين عنده لحمام اشمن زين و شمن حمام تعديتو على دوك الحمامات اعباد الله باش بديت صباحي ولكن لي دوز ليا هاد لفطور و قتلني بالضحك هو الكورال لي غادي تسمعوه فالفيديو كورال بئيس بحال الحزب تاعه .

اكيد هاد الامين العام وخا لاباس عليه مغاديش القى غير شعراء الهجاء لانه مدارهاش زينة فالمواطنين و قال لك كيستاعن بمول النعناع اه النعناع لي قالت لينا لونسا راه مسموم و المغرب لي عمرو بغى اخضار مع هاد الوزير الغني جدا و مزال مبغاش اشبع باغي ولاية اخرى و باغي احكم فين اكادير باش اتتحبس علينا حتى داك لبحر لي منا كنشوفو فيه غير عوا اما لحمام هاجر من نهار اختاروه لهاد الحزب الحاصول مكيبرد لك القلب غير نساء البلاد من القايدة حورية للباشا نوال لي قالت ليه راك ماشي حسن من خوتك حتى دير التجمع و يجمع الوقفة و تبعها وخا مخلاتش ليه الوقت فين اضبط الارتباك و اجبد التلفون نوض السي راك مبقيتيش وزير راك مرشح بحالك بحال هداك لي داير فالمهنة فاعل جمعوي خزيت