فطور ضاحك مع انتخابات 2021
المغرب اليوم كله عايش على ايقاع الحملة الانتخابية لي وانت كتفطر تقدر تسمع السرباي طالع ليه الدم من كثرت الاوراق الملونة لي كتصبح ليه فوق الطبالي و تقدر اسولك شي حد موالف كتغدا معاه و مكيتكلمش و هو كياكل على شي رمز غريب و اقول لك واش غادي تصوت عليه و انت باغي تقول ليه جمع غير فمك راه فمك عامر ماكلة و انت كتهضر على موضوع كله ماكلة .
ولكن الواعرة فالانتخابات تاع هاد العام هو ان الكورونا و حالة الطوارىء فرضات على المترشحين و الداعمين ليهم انهم ميتعاملوش بزاف بالمناشير و ميسلموهاش باليد للمواطنين باش متصدقش كورونا هي لي رابحة هاد الاستحقاقات و هاربة لنا بالحكومة الجديدة .لكن كاع داك التلوث لي كان كيصبح فالشارع ولا كيصبح فالفايسبوكات تاعنا ها الروبيني ها الشمعة النخلة السبولة ها الموطور المهم كاع الرموز كاينين من غير الجردل و الكتكة تاع عادل امام .
ولكن فين تبان فكاهة عادل امام مع هاد الضحك لي نايض هاد الايام ها لي مشى فاليخت ها لي جرات عليه الباشا نوال و ها لي لبس توني تاع الانتخابات و هو رئيس حكومة المهم استعدو لفطور ضاحك مع الحملة كل يوم و طيلة مدة الحملة على موقعكم مغرب تايمز
تعليقات