“لك الله يا أكادير .. طحتي في أيادي غير أمينة”

“لك الله يا أكادير .. طحتي في أيادي غير أمينة” .. هكذا إختتم سعيد ليمان المستشار السابق عن حزب العدالة والتنمية بالمجلس الجماعي لأكادير ، تدوينة له حسابه “فيسبوك” بخصوص اتفاقية شراكة بين جماعة أكادير وجمعية إبداع للتنمية والتعاون الذي من المقرر المصادقة عنها في دورة أعمال فبرير الجاري.

وكتب ليمان “قريت و عاودت قريت هاذ الإتفاقية و ما فهمتش فيها آشمن مسؤولية عند هاذ الطرف و الطرف الآخر، هاك 10 دلملاين و نزيد نخلص عليك الفاكتورات ديال الماء و الضوء و أنا ما كانتحكمش في الإستهلاك. (يعني ممكن شي واحد يخرج خيط ديال الضوء و يديه لدارو أو يخرجو روبيني من المؤسسة و يسقيو بيه الجرادي كاملين … و كولشي على حساب دافعي الضرائب… أنت و أنا).

وأضاف :”نعطيك 10 دلملاين و أنت تتكلف بالحراسة و النظافة و الصيانة و التجهيز، على حساب البنود لي في الإتفاقية كاتجي الجماعة باش تتكلف حتى هي تدريجيًا بالتجهيز … يعني ممكن الجمعية ما تصرفش ريال واحد في التجهيز و الجماعة تجهز كولشي،الإتفاقية فيها أن الجماعة ممكن توفر موارد بشرية للتسيير … يعني ممكن تعطيهوم السيكيريتي و النيطواياج حتى هو و الجمعية تتهنى من الحراسة و النظافة … على حسابك أنت لي كاتقرا التدوينة ديالتي دابا.”

وتسائل المتحدث عن من صاغ بنود هذه الإتفاقية قائلا :” دابا هاذي واش اتفاقية أو إنشاء جاب مولاه 3/20 أو مسودة ديال اتفاقية مصايبها واحد ما عندو عقل أو زايد في لاضوز ديال الدواء أو كامي جوان مورا القرعة لي شارب؟؟؟”.

وختم ليمان تدوينته “كون ما كنتش عارف شكون لي كايسيرو و مستوياتهوم كنت غادي نتعجب و لكن “إذا عُرف السبب بطل العجب، لك الله يا أگادير… طحتي في أيادي غير أمينة”.